လက်ရှိ မလေးရှားရောက် မြန်မာနိုင်ငံသားများ အနေဖြင့် အထူး သတိထား နေထိုင်ရမယ့် အချိန်ပါ။ တစ်ဦးတစ်ယောက်တည်း လမ်းသွား လမ်းလာ လုပ်မှုတွေကို ရှောင်ရှားသင့်ပါတယ်။ ဒီကိစ္စတွေနဲ့ ပတ်သက်ပြီး ကွာလာလမ်ပူ ၊ ဆူဘမ်း ဘက်မှာ အဖွဲ့ပေါင်းစုံဝင်ရောက်ဖမ်းဆီးမှု( အော်ပရာစီ) များ ပြုလုပ်နေတယ်လို့လည်း ဆူဘမ်းမှ သတင်းပေးပို့လာပါတယ်။ ယနေ့မနက်က မြန်မာ လူမျိုး အသတ်ခံလိုက်ရတာကိုလည်း မလေးရှားနိုင်ငံ ရုပ်သံသတင်းဖြစ်တဲ့ TV7, TV1 တွေက ထုတ်လွှင့်ပြသသွားခဲ့သလို တခြား တီဗီလိုင်းတွေကလည်း ထုတ်လွှင့် ခဲ့တယ်လို့ သိရှိရပါတယ်။ လက်ရှိအခြေအနေ အချိန်အခါထိတော့ မလေးရှားနိုင်ငံဆိုင်ရာ မြန်မာသံရုံးမှ ထုတ်ပြန်ချက် တစ်စုံတစ်ရာ မရှိသေးသလို ကပုန်းဘုန်းတော်ကြီး ကျောင်းထိုင်ဆရာတော်ကို မေးမြန်းလျှောက်ထားမှုများမှာလည်း ကပုန်းဘုန်းကြီးကျောင်းသို့ မြန်မာသံရုံးမှ ဒုက္ခသည်များအား လာရောက် ကြည့်ရှုအားပေးမှုမျိုး မရှိသေးသလို ဖုန်းဖြင့်သာ ဆက်သွယ်မေးမြန်းမှုမျိုးရှိတယ်လို့လည်း Myanmar Daily News ကို ပြောပါတယ်။ တစ်ချို့ အခုတ်ခံရတဲ့ သူတွေကို ဆေးရုံတွင် ဆေးကုသမှုခံယူနေတယ်လို့လည်း သိရပြီး သတင်းဓာတ်ပုံရရှိရေးကိုလည်း ကျနော်တို့ မြန်မာနေ့စဉ်သတင်းမှ ကြိုးစားနေပါတယ်။
Related Article: Malaysia New
No comments:
Post a Comment